ajmal-siraj

Nazar Aa Rahe Hain Jo Tanha Se Hum

nazar aa rahe hain jo tanha se ham

so yuun hai ki bhar paae duniya se ham

na parva hamen hal-e-behal ki

na sharminda umr-e-guzishta se ham

bhala koi karta hai murdon se baat

kahen kya dil-e-be-tamanna se ham

nazar men hai jab se sarapa tira

jabhi se hain kuchh be-sar-o-pa se ham

koi jal-pari kya pari bhi na aai

magar ḳhush hue raat dariya se ham

tamashai shash-jihat hain so hain

ḳhud apne liye bhi tamasha se ham

samajhna tha duniya ko yuun bhi muhal

samajhte the duniya ko duniya se ham

More Poems

Leave a Comment