na puchho aql ki charbi chaḌhi hai us ki boTi par
kisi shai ka asar hota nahin kam-baḳht moTi par
kafan se dusron ke jo silate hain libas apna
vo jazbe hans rahe hain ishq-e-sada ki langoTi par
yahi aish ek din ahl-e-havas ka ḳhuun chaTega
abhi kuchh din laga rakkhen vo is kutte ko roTi par
na jaane kaise nazuk taar ko mizrab ne chheḌa
ki vajd aḳhir unhen bhi aa gaya nocha kasauTi par
mohabbat kuchh baḌi hai umr men aur hai havas chhoTi
magar dil hai ki hai sau jaan se lahlut chhoTi par
Leave a Reply