Nasha Nasha Sa Hawaen Rachae Phirti Hain

nasha nasha sā havā.eñ rachā.e phirtī haiñ

khilā khilā sā hai mausam tire sañvarne kā

maiñ aks aks chhupā huuñ hazār shīshoñ meñ

mujhe hai shauq ye rañgoñ se ab guzarne kā

kaTegī Dor na jab tak ulajhtī sāñsoñ kī

tamāsha ḳhuub rahegā ye ruup ubharne kā

ye roz roz sitāroñ kā TūTnā ‘ārif’

sabab banā hai zamīñ ke shigāf bharne kā

Leave a Comment