Zafar Zaidi
is se pahle ki naya phir koi hamla ho jaa.e
jagte rahiye yahan tak ki savera ho jaa.e
ḳhud ko har samt se paani men ghira paata huun
mujh pe allah kare pyaas ka ghalba ho jaa.e
jism men jism chhupa liije ki us se pahle
ThanD baḌh jaa.e hava ka koi hamla ho jaa.e
kab se vo sang liye phirta hai bechain udaas
aaj ai kaash mira jism bhi shisha ho jaa.e
roz har chehra naya har na.i poshak ke saath
kaise har koi ‘zafar’ aap ke jaisa ho jaa.e
Leave a Reply