zehra-nigaah

Naqsh Ki Tarah Ubharna Bhi Tumhi Se Sikha

naqsh ki tarah ubharna bhi tumhi se sikha

rafta rafta nazar aana bhi tumhi se sikha

tum se hasil hua ik gahre samundar ka sukut

aur har mauj se ladna bhi tumhi se sikha

achchhe sheron ki parakh tum ne hi sikhlai mujhe

apne andaz se kahna bhi tumhi se sikha

tum ne samjhae miri soch ko adab adab

lafz o maani se ulajhna bhi tumhi se sikha

rishta-e-naz ko jaana bhi to tum se jaana

jama-e-fakhr pahanna bhi tumhi se sikha

chhoti si baat pe khush hona mujhe aata tha

par badi baat pe chup rahna tumhi se sikha

More Poems

Leave a Comment