Poet
duniya ki justuju to ham se na ho sakegi
ye minnat aarzu to ham se na ho sakegi
go shaam se sahar tak roe hai aur jale hai
ye sham-e-du-ba-du to ham se na ho sakegi
bahuteri ghaebana karte rahen shikayat
par us ke ru-ba-ru to ham se na ho sakegi
mai-khana-e-jahan men guzran shaikh-sahib
be-jam o be-subu to ham se na ho sakegi
kya puchhta hai ‘joshish’ tarif us dahan ki
kuchh is men guftugu to ham se na ho sakegi
Leave a Reply