hamen us ne sabhi ahval se anjan rakkha
hamare aur apne biich parda taan rakkha
kabhi hadd-e-nazar men aur kabhi imkan se bahar
hamen to us ne saari zindagi hairan rakkha
miri parvaz ki had janta tha is liye bhi
mire uupar ye niila asman nigran rakkha
zara rukna ki main is bojh se azad ho luun
ki taq-e-dil men hai duniya ka kuchh saman rakkha
mohabbat ki qasam vo mujh se lena chahta tha
so in hathon pe la ke ‘mir’ ka divan rakkha
Leave a Reply