namaz laḌki mohabbat ḳhuda zaruri hai
kisi bhi chiiz ka nashsha baḌa zaruri hai
bahut zaruri hai us ka har ek pal hansna
mujh aise habs-zada ko hava zaruri hai
tumhare vaste rakkha hai Taal kar ḳhud ko
ab us ke ba.ad tumhen aur kya zaruri hai
ab us ki aur miri chaah men tazad hai dost
mujhe charagh use aa.ina zaruri hai
juda.i itni zaruri hai jitni tum chaho
hamare vaste sabr-o-raza zaruri hai
Leave a Reply