Mukhtar Shameem
nama-e-gul men kisi shoḳh ki tahrir ka rang
dil-e-pur-ḳhun ki ubharti hui tasvir ka rang
vo tahi-maya pasheman-e-vafa hain ham log
apni taqrir men jaadu hai na tahrir ka rang
sabz-dar-sabz daraḳhton men chala aag ka phaag
ujla ujla hai mire ḳhvab ki ta.abir ka rang
qatl hona hai sar-e-sham-e-tamanna har roz
roz laana hai na.i sub.h ki tanvir ka rang
rang deta hai kahin a.ina-e-nam-o-numud
ḳhuub khilta hai kahin jauhar-e-tauqir ka rang
Leave a Reply