poet

Nala Jidhar Mera Guzar Kar Gaya

naala jidhar mera guzar kar gaya

tiir sa har dil men asar kar gaya

dil na raha aap men aur main ba-khud

meri taraf jab vo nazar kar gaya

khol ke zulfon ke taiin chehra par

yaar baham sham-o-sahar kar gaya

ahl-e-havas raat gali men tiri

jaane se ai shokh hazar kar gaya

aur jo mujh sa tha koi jan-fishan

dar pe tire ji se guzar kar gaya

dekhiyo sabit-qadami qais ki

ishq men kya umr basar kar gaya

rah-e-khatarnak-e-mohabbat ko tai

ba-qadam dida-e-tar kar gaya

koi tha kuche men sanam ke jo aaj

girya-e-khun ta-ba-kamar kar gaya

aql pe nazan huun ‘jahandar’ ki

dil na diya us ko hunar kar gaya

More Poems

Leave a Comment