poet

Harif-E-Raaz Hain Ai Be-Khabar Dar-O-Diwar

harif-e-raz hain ai be-khabar dar-o-divar

ki gosh rakhte hain sab sar-ba-sar dar-o-divar

naved-e-maqdam-e-fasl-e-bahar sun sun kar

udenge shauq men be-bal-o-par dar-o-divar

shab-e-firaq men ghar mujh ko kaate khata hai

bana hai ik sag-e-divana har dar-o-divar

tumhare gham ne vo surat miri banai hai

ki ro rahe hain mire haal par dar-o-divar

hujum-e-ranj-e-qalaq men ‘zahir’ kya kahiye

nahin hain munis-e-khalvat magar dar-o-divar

More Poems

Leave a Comment