nala-e-gham sho.ala-asar chahiye
chak-e-dil ab ta-ba-jigar chahiye
kitne mah-o-najm hue nazr-e-shab
ai gham-e-dil ab to sahar chahiye
manzilen hain zer-e-kaf-e-pa magar
ik zara azm-e-safar chahiye
a.ina-ḳhane men hai darkar kya
chahiye ik sang agar chahiye
duur hai dil manzil-e-gham se hanuz
ik ghalat andaz-e-nazar chahiye
tishnagi-e-lab ka taqaza hai ab
baada ho ya zahr magar chahiye
Leave a Reply