Nai Mahfil Mein Pahli Shanasai

nai jagah thi duur duur tak akhir par divaren shab ki

kuchh yaron ne barpa kar di ik mahfil kuchh apne Dhab ki

unche dar se dakhil ho kar saaf nasheb men baithe ja kar

ek maqam men hue ikatthe raunaq aur virani aa kar

markaz-e-dar se jashn-bapa tak sair thi sham-e-mehr-o-vafa ki

khushi thi us se milne jaisi bechaini thi abr-o-hava ki

sab rangon ke log jama the ek hi manzil thi un sab ki

ik basti alam se khali ek faza kisi khvab-e-tarab ki

jangal ki shadabi jaisa pahna tha koi jalva us ne

pairahan ik nai vaza ka khule samundar jaisa us ne

kar rakkha tha chehra apna dukh-mukh se be-parva us ne

meri taraf takne se pahle charon janib dekha us ne

Leave a Comment