us ne bikhre kaghazon ko chhu ke sandal kar diya
ik adhuri si ghazal ko yuun mukammal kar diya
kuchh to divana tha main pahle hi us ke ishq men
us ne chilman yuun haTa.i mujh ko pagal kar diya
us ke jalvon ka karishma tha ki jis ne dosto
saari duniya ko miri ankhon se ojhal kar diya
main bahut uljha hua tha zindagi ke pher men
tu ne meri jaan le kar mas.ala hal kar diya
us ne yuun Daali inayat ki nazar ‘santosh’ par
chhin kar har ik ḳhushi gham ko musalsal kar diya
Leave a Reply