nahin tum mante mera kaha ji
kabhi to ham bhi samjhenge bhala ji
achambha hai mujhe bulbul ki gul bin
qafas men kis tarah tera laga ji
tumhare khat ke aane ki khabar sun
miyan sahab nipat mera kudha ji
zakat-e-husn de main be-nava huun
yahi hai tum se ab meri sada ji
kisi ke ji ke taiin leta hai dushman
mira to le gaya hai ashna ji
thaka main sair kar saare jahan ki
mira ab sab taraf se mar gaya ji
jalaya aa ke phir ‘taban’ ko tu ne
hamari jaan ab tu bhi sada ji
Leave a Reply