Mohammad Asadullah
nahin sharik azabon ka jan-e-jan koi
ḳhuda gavah nahin hai nahin yahan koi
vo dekho baanh pasare hai samne manzil
faqat guman hai ki hai raah darmiyan koi
chubhan si kaise piro di hai us ne sanson men
shikayaton men numayan hai mehrban koi
inayaten hain tiri dhuup sard mausam ki
baḌhe jo had se to baiThe bhala kahan koi
raha vo gosh-bar-avaz aur hamen barson
ḳhayal tak nahin aa ya ki hai yahan koi
siva.e halqa-e-yaran men apni shohrat ke
hamari zaat ka dushman yahan kahan koi
har ek samt ḳhamoshi ka kufr chhaya hai
hamari zaat ke sahra men de azaan koi
Leave a Reply