nahin ki kashti-e-vahshat men badban nahin
malal ye hai ki sahil pe vo makan nahin
kahin pe hoga koi chand ham ko kya malum
hamare kamre ki khiḌki men asman nahin
hava ke ruḳh pe laven muttahid nahin varna
abhi charaghon men aisa nahin ki jaan nahin
ye kaisa shahr hai kis shahryar se puchhun
ye kaisi mez pe huun jis pe mezban nahin
na us ki aankh men moti na mere ḳhvab men jhiil
tamasha ab ke baras koi darmiyan nahin
main us ko sochunga aur dil ko kuchh nahin hoga
yaqin yuun hai ki ab ke koi guman nahin
Leave a Reply