Nafas Ke Loch Mein Ram Hi Nahin Kuchh Aur Bhi Hai

nafas ke loch men ram hi nahin kuchh aur bhi hai

hayat saghar-e-sam hi nahin kuchh aur bhi hai

tiri nigah mire gham ki pasdar sahi

miri nigah men gham hi nahin kuchh aur bhi hai

miri nadim mohabbat ki rifaton se na gir

buland bam-e-haram hi nahin kuchh aur bhi hai

ye ijtinab hai aks-e-shuur-e-mahbubi

ye ehtiyat-e-sitam hi nahin kuchh aur bhi hai

idhar bhi ek uchatti nazar ki duniya men

farogh-e-mahfil-e-jam hi nahin kuchh aur bhi hai

nae jahan basae hain fikr-e-adam ne

ab is zamin pe iram hi nahin kuchh aur bhi hai

mire shuur ko avara kar diya jis ne

vo marg-e-shadi-o-gham hi nahin kuchh aur bhi hai

Leave a Comment