Shor Sara Mera Samo Legi

shor saarā mirā samo legī

ḳhāmushī ek roz bolegī

ik udāsī bhī jaañ kī dushman hai

baal vahshat bhī apne kholegī

vasl kī yaad ke sahāre hī

hijr merā akele ro legī

tere dil ne mujhe pukārā hai

kyā tū us se bhī jhuuT bolegī

merī qismat meñ niiñd hai hī nahīñ

terā kyā hai tū din meñ so legī

maiñ dobāra tujhe milūñgā nahīñ

laakh tū dil agar TaTolegī

Leave a Comment