kahin jo dil na lagaven to phir udaas phiren
vagar lagaven to mushkil ki be-havas phiren
hamen bhi hove ijazat ki shama-ru tujh par
patang ki namat ik dam tu as-pas phiren
tiri gali men bhala itni to hamen ho raah
ki jab tak apna vahan ji ho be-hiras phiren
utha de ham se jo baithe houun ko ab ki falak
to aarzu hai ye ji men ki be-qayas phiren
na khat kisi ka padhe hai ‘hasan’ na vo arzi
kahan talak liye ham apna iltimas phiren
Leave a Reply