hain shakh shakh pareshan tamam ghar mere
kate pade hain badi duur tak shajar mere
charagh in pe jale the bahut hava ke khilaf
bujhe bujhe hain jabhi aaj bam-o-dar mere
hazaron saal ki tarikh likkhi jaegi
zamin ke batn se ubhrenge jab khandar mere
ye dekhna hai ki ab haar manta hai kaun
udhar hai vusat-e-imkan idhar hain par mere
main apni zaat ki taabir ki talash men tha
to mere khvab chale ban ke ham-safar mere
suragh-e-mausam-e-gul ke amiin ki surat
khile hue hain khizan men bhi zakhm-e-sar mere
Leave a Reply