na.e jahan men purani sharab le aa.e
andheri raat men ham aftab le aa.e
mire yaqin men gunja.ish-e-dalil nahin
javaz DhunDne vaale kitab le aa.e
paḌe the ek hi aalam men ahl-e-mai-ḳhana
shikast-e-jam se ham inqalab le aa.e
vo kamyab-e-mohabbat hain jo tire dar se
ḳhud apne aap ko na-kamyab le aa.e
tamam umr jo chhaya rahega ankhon men
tumhari bazm se ham aisa ḳhvab le aa.e
yahan to ek bhi gham-ashna nahin apna
farishte mujh ko kahan be-naqab le aa.e
hayat-e-ishq men ham toḌ kar quyud-e-vafa
kisi bhi taur sahi inqalab le aa.e
vahi safine jo tufan-shanas the fitrat
sukut-e-shahr men ik iztirab le aa.e
Leave a Reply