kahan hai aisi zamin jis pe asman na ho
vo kaisa shahr jahan ek bhi makan na ho
hamare dasht ne itna to intizam rakkha
saron pe dhuup rahe koi saeban na ho
dil-o-dimagh ki uljhan men ye kahan mumkin
ki zehn-o-dil to thaken ruuh ko thakan na ho
khud apni piith to ham thapthapa nahin sakte
hamen hai khauf ki beja koi guman na ho
main khvab dekh raha huun is ehtiyat ke saath
itab-e-sub.h se sapna lahu-luhan na ho
zamin se duur chale aae hain magar ‘bebak’
dua karo ki yahin khatm ye udaan na ho
Leave a Reply