Nae Dukhon Nai KHushiyon Ki Rahguzar Mein Hun

na.e dukhoñ na.ī ḳhushiyoñ kī rahguzār meñ huuñ

abhī qayām kahāñ ho ki ḳhār-zār meñ huuñ

vo mujh ko jaltā huā chhoḌ de ki gul kar de

maiñ ik charāġh huuñ jhoñke ke iḳhtiyār meñ huuñ

maiñ un ke saath baḌī be-dilī se uḌtī huuñ

ki ik parinda huuñ aur dūsrī qatār meñ huuñ

vo jān-būjh ke lamhoñ ko tuul de degā

jo jāntā hai ki maiñ us ke intizār meñ huuñ

Leave a Comment