Mansoora Ahmad
paniyon par jhilmilati chandni jaisa
mire dil ka samundar jab bhanvar ki zad men aa jaae
sabhi tarik lahren gher kar mujh ko
kisi patal ka rasta dikhati hon
to vo aisi sifat lahja
mujhe phir sahilon par khinch laata hai
mujhe kahta hai dekho
is bhanvar ke paar bhi duniya men kuchh lamhe dhadakte hain
unhen bhi apni sanson men parda dekhun
ye lahren jo ki andhiyaron men dev-asar lagti hain
unhen tum chandni men dekhna ye kis tarah
kirnon se mil kar majare takhliq karti hain
ye lahren jab rupahle nuur ki naddi men dhalti hain
to masti men machalti asmanon ko lapakti hain
amavas jab bhi aae chandni ko ya magar lena
mire charon taraf melon pe chalti dhuup phaili hai
magar us ki ye baten barishon ki bundiyon jaisi
mire dil ki daradon men
hari fasli ugaai hain
main sar se paanv tak
shabnam se bhigi pattiyon men duub jaati huun
Leave a Reply