Urooj Qadri
aap kya janen mohabbat ka tamasha kya hai
sho.ala-e-ishq kise kahte hain sauda kya hai
koi ḳhush hai koi na-ḳhush koi shaki tujh se
kaun jaane ki tiri bazm ka qissa kya hai
saghar-e-mahr-o-vafa daur men tha sub.h-o-masa
jaane ab majlis-e-ahbab ka naqsha kya hai
ilm-e-taqdir pe mauquf nahin mera amal
kaun jaane miri taqdir ka likkha kya hai
jis ke imroz men baaqi na rahe ruh-e-hayat
saaf zahir hai ki us qaum ka farda kya hai
jagmagate ye sitare ye falak ke ḳheme
‘tuu’ ne parde to ye dekhe pas-e-parda kya hai
karsazi pe ḳhuda ki hai bharosa varna
main agar jaan laḌa.un bhi to hota kya hai
sar hatheli pe liye phirte hain jo log ‘uruj’
un se puchho ki mohabbat ka tariqa kya hai
Leave a Reply