Qurban Aatish
nigah-e-faqr hi shan-e-sikandari jaane
vahi hai shaah jo raz-e-qalandari jaane
hava bikherti mujh ko hai gard ki surat
jahan men kaun hai jo meri be-ghari jaane
bas ek tere siva be-ḳhabar nahin koi
hamara haal to raste ki kankari jaane
tiri adaon ki pahchan ḳhuub hai mujh ko
tire karam ki koi kya sitamgari jaane
miri nigah men kaun-o-makan ki basti hai
zamana kya mira tarz-e-qalandari jaane
tu arsh-o-farsh pe ankhen Tika.e rahta hai
kahan se teri tarah koi muḳhbiri jaane
Leave a Reply