na honge ham to ye rang-e-gulistan kaun dekhega
baharon se hi taḳhrib-e-baharan kaun dekhega
sar-e-mahshar jafaon ki shikayat bar-mahal lekin
phir in masum nazron ko pashiman kaun dekhega
baja hai laala o gul ki tabahi ka tasavvur bhi
magar ye manzar-e-mahshar-ba-daman kaun dekhega
mujhe taslim hai qaid-e-qafas se maut behtar hai
nasheman par hujum-e-barq-o-baran kaun dekhega
hasin tabir-e-mustaqbil sahi is ki magar ‘anvar’
na.e fitnon ka ab ḳhvab-e-pareshan kaun dekhega
Leave a Reply