Poet
javaz-e-ab-o-tab ab gulab ke liye nahin
hamari yaad zinat-e-kitab ke liye nahin
nikal ke asman pe aa samundaron pe naam likh
tu chand hai to chadar-e-hijab ke liye nahin
miri amanaten sambhal ujaal de mire nuqush
ye dard ab kisi se intisab ke liye nahin
muravvaton ke zaḳhm bhi aziiz rakhna jaan se
suluk-e-dostan hai ye hisab ke liye nahin
lahu ka za.iqa na chakh lahu ka tajraba na kar
lahu hai iztirab iztirab ke liye nahin
mire junun ko ḳhair-o-shar ke da.ere se duur rakh
ye zindagi ka husn intiḳhab ke liye nahin
har ek ajnabi se apna mudda.a bayan na kar
nazar-shanas hai to ijtinab ke liye nahin
Leave a Reply