Poet
na zindagi se shikayat na tum se shikva hai
mira libas hi mere lahu ka pyasa hai
badan ko chhoḌ ke ja.un to ab kahan ja.un
janam janam se mira us ke saath rishta hai
mira vajud miri apni hi nigahon men
libas-e-jism ke hote hue bhi nanga hai
salib laao ise surḳh-ru kiya jaa.e
koi kitab liye asman se utra hai
tumhare jism men main huun mire vajud men tum
har ek aadmi ik dusre men zinda hai
tum apne aap se kyon ajnabi se lagte ho
tumhare jism pe ‘shadab’ kis ka pahra hai
Leave a Reply