na us ko dekha na tab-o-tavan ravana kiye
tamam-umr kaTi miTTi men Thikana kiye
na us se vasl kiya aur na ha-o-hu hi ki
zamana guzra koi kar-e-arifana kiye
dilon ko zaḳhm diye aur azaab ankhon ko
jo kaam us ne kiye saare munsifana kiye
main apne-ap ko pahchanta nahin huun abhi
main aankh muund ke leTa huun ye bahana kiye
ye aisa daav hai jab phenko ulTa paḌta hai
sameTe baiThe ho kya ishq ko ḳhazana kiye
ho us se vasl ke talib bhari sabha men ‘tur’
kahan ye hosh-o-havas aap ne ravana kiye
Leave a Reply