Na To Kaam Rakhiye Shikar Se Na To Dil Lagaiye Sair Se

na to kaam rakhiye shikar se na to dil lagaiye sair se

bas ab aage hazrat-e-ishq-ji chale jaiye ghar hi ko khair se

vo jo gutka paare ka munh men le pade udte phirte hain jogi-ji

so to bhartpur se udaas ho chale aae qila-e-dair se

nahin hote aam ke ru-ba-ru hamen qibla khaas hai aarzu

ki khuda kare pade guftugu kisi pir-o-murshid-e-dair se

kaho kis vasile se shaikh ke shak-o-shubh hove kamal men

ki jo neamat aap ko pahunchi hai so miyan-ghulam-zubair se

jo khafa hue to hue aji jo lade-bhide to lade sahi

gila hai so yar-e-aziz se na ki shikva surat-e-ghair se

mujhe ik hayat dobara de usi qudrat apni se ai khuda

ki khitab-e-fiqra-e-kam-libast kiya tha jin ne uzair se

vo jo hai ali-e-vali vasi hai mohammad-e-arabi akhi

so tu abd-e-khas-e-karim hai use dushmani hai nusair se

yahi chaal apni hai ‘insha’ ab kabhi to darakhton se khalte hain

kabhi hai saba se khitab kuchh kabhi vahsh se kabhi tair se

Leave a Comment