Jalal Lakhnavi
na Theri jab koi taskin-e-dil ki shakl yaron men
to aa nikle taḌap kar ham tumhare be-qararon men
kisi ke ishq men dard-e-jigar se dil ye kahta hai
idhar bhi aa nikalna ham bhi hain ummidvaron men
vo matam bazm-e-shadi hai tumhari jis men shirkat ho
vo marna zindagi hai tum jahan ho sogvaron men
ta.alli se ye nafrat hai ki ba.ad-e-marg ḳhaak apni
agar uThti bhi hai ja baiThti hai ḳhaksaron men
hamare dil ne ham se bevafa.i kar ke kya paaya
vahan bhi ja ke Thahraya gaya be-e’tibaron men
vo khinchunga ‘jalal’ aahen ki us ki ḳhaak uḌa dengi
falak ne piis Daala hai samajh kar ḳhaksaron men
Leave a Reply