poet

Na Tha Dil Hamara Kabhi Gham Se Waqif

na tha dil hamara kabhi gham se vaqif

magar ab hua aap ke dam se vaqif

ye batlao ham ko bhi pahchante ho

hamen kya jo ho saare aalam se vaqif

abas aati hai roz ghar ghar ke badli

nahin kya mire dida-e-nam se vaqif

unhen hal-e-dil kis tarah likh ke bhejen

na ham un se vaqif na vo ham se vaqif

dikhaya asar aah ne apni ‘anjum’

ki hote chale hain vo ab ham se vaqif

More Poems

Leave a Comment