hava-e-tund hai be-samt-o-be-qarina bhi
ravan-davan isi aalam men hai safina bhi
ḳharash-e-zehn bhi hai zinat-e-nigah bhi hai
ye zindagi ḳhas-o-ḳhashak bhi nagina bhi
ye chashm-e-nam ki hai dana-e-gham baḌi shai hai
chhupa hua hai isi ḳhaak men ḳhazina bhi
khila gulab to manzar badal gaya saara
jamal-e-sub.h bhi hairat bhi abgina bhi
baras rahi hai hava-e-tarab to yaad aaya
machal rahi hai faza men nava-e-sina bhi
hazar lutf-o-inayat ba-pa.emali-e-dil
mila hai husn-e-ḳhuda-dad ko qarina bhi
Leave a Reply