Kaun Kahta Hai Ki Dariya Mein Rawani Kam Hai

kaun kahtā hai ki dariyā meñ ravānī kam hai

maiñ jahāñ Duub rahā huuñ vahāñ paanī kam hai

bhuul kar bhī koī suntā nahīñ rūdād mirī

vāqi.a is meñ ziyāda hai kahānī kam hai

ai ḳhudā phir mire jazboñ ko farāvānī de

zindagī-bhar ke liye ek javānī kam hai

mere lahje se mire dard kā andāza kar

merī bātoñ meñ agar talḳh-bayānī kam hai

ye mohabbat hai ki ehsās hai mahrūmī kā

merī āñkhoñ meñ bahut kuchh hai zabānī kam hai

Leave a Comment