Dosto Durd Pilao Ki kaDi Raat kaTe

dosto durd pilāo ki kaḌī raat kaTe

mai meñ kuchh aur milāo ki kaḌī raat kaTe

āñsuoñ se ye kaḌī raat nahīñ kaT saktī

aaj mai-ḳhāna luñDhāo ki kaḌī raat kaTe

naġhme bāzār meñ mahñge haiñ to kyā ġham yaaro

nauhe ko naġhma banāo ki kaḌī raat kaTe

ziist aur maut asātīr-e-kuhan haiñ yaaro

nayā afsāna sunāo ki kaḌī raat kaTe

koī mash.hūd hai ab aur na koī shāhid

aur agar hai to dikhāo ki kaḌī raat kaTe

ye bhī īmān hī kā dūsrā ruḳh hai logo

kufr ko diin banāo ki kaḌī raat kaTe

ye añdherā ye samundar ye talātum aao

aao aur mujh meñ samāo ki kaḌī raat kaTe

Leave a Comment