Zakiya Shaikh Meena
bahut gumnam huun ashhar nahin huun
main ik darvesh huun zar-gar nahin huun
faqat tazim ke laa.eq ḳhuda hai
tiri tazim ki ḳhugar nahin huun
faqat zar se nahin hai bartari kuchh
main tujh se besh huun kamtar nahin huun
hazaron ke jhuke sar tere aage
vo buzdil hain main aisi par nahin huun
aziiz az jaan meri ye ana hai
kaTa dungi jhukati sar nahin huun
mohabbat se qarib aao jo ‘mina’
sifat men mom huun patthar nahin huun
Leave a Reply