Jihad-E-Ishq Mein Hum Aashiqon Ko War Dena

jihād-e-ishq meñ ham āshiqoñ ko vaar denā

ye qurbānī ḳhudā taufīq de sau baar denā

basārat ḳhuub hai ab munsifī bhī us kī dekho

ab us se ā.īna le kar use talvār denā

zabāñ ke zahr kī koī gavāhī de na paa.e

agar bosa diyā bhī to pas-e-dīvār denā

sune haiñ tazkire us ke magar dekhī nahīñ hai

mohabbat paas se guzre to kuhnī maar denā

tirā miTTī ko miTTī ke liye tayyār karnā

use shakkar-bhare lab phuul se ruḳhsār denā

Leave a Comment