Mohammad Izhar Ul Haq
jihad-e-ishq men ham ashiqon ko vaar dena
ye qurbani ḳhuda taufiq de sau baar dena
basarat ḳhuub hai ab munsifi bhi us ki dekho
ab us se a.ina le kar use talvar dena
zaban ke zahr ki koi gavahi de na paa.e
agar bosa diya bhi to pas-e-divar dena
sune hain tazkire us ke magar dekhi nahin hai
mohabbat paas se guzre to kuhni maar dena
tira miTTi ko miTTi ke liye tayyar karna
use shakkar-bhare lab phuul se ruḳhsar dena
Leave a Reply