na raundo kanch si rahen hamari
tumhen chubh ja.engi kirchen hamari
musalsal dhoke-bazi kar rahi hain
hain dhoka-baz sab sansen hamari
hamen ḳhamosh hi rahne do yaaro
tumhen chubh ja.engi baten hamari
karo zulm-o-sitam par yaad rakkho
bahut pur-soz hain aa.hen hamari
har ik pal reza reza ho rahi hain
hain bosida tamanna.en hamari
jaḌen tahtassura ki tah talak hain
magar mahdud hain shaḳhen hamari
har ik mausam men aansu ug rahe hain
baḌi zarḳhez hain ankhen hamari
Leave a Reply