daur-e-mai hai magar surur nahin
jal rahe hain charagh nuur nahin
choT khane ka shauq hai dil ko
nigah-e-naz ka qusur nahin
laakh aao na yuun qarib mire
tum kisi vaqt dil se duur nahin
duur duniya se hai maqam tira
mere zauq-e-nazar se duur nahin
main nahin tark-e-mai pe gar qadir
tu to majbur ai ghafur nahin
lutf kya den bahar-o-abr ki jab
bada-e-zist men surur nahin
bada-e-shauq dil se pi ai ‘ashk’
shisha-o-jam kuchh zarur nahin
Leave a Reply