gham sahte hain par ghamza-e-beja nahin uthta
marte hain magar naz-e-masiha nahin uthta
kab paan raqibon ko inayat nahin hote
kis roz mire qatl ka beda nahin uthta
bal padte hain pahonche men lachakti hai kalai
nazuk hain bahut phulon ka gajra nahin uthta
farmaiye irshad pahadon ko utha luun
par rashk ka sadma nahin uthta nahin uthta
kuche men ‘munir’ un ke main baitha to vo bole
hai hai mire darvaze se pahra nahin uthta
Leave a Reply