poet

Na Rahbar Ne Na Uski Rahbari Ne

na rahbar ne na us ki rahbari ne

mujhe manzil ata ki gumrahi ne

bana Daala zamane bhar ko dushman

faqat ik ajnabi ki dosti ne

vo kyuun muhtaj ho shams-o-qamar ka

jila bakhshi ho jis ko tirgi ne

badan kanton se kar Daala hai chhalni

hamara gul-rukhon ki dosti ne

badal Daala mazaq-e-gul-parasti

chaman men adh-khili si ik kali ne

qayamat ban gai rahmat sarapa

kya kiya aap ki ham-saegi ne

shikayat barq ki ai ‘barq’ kaisi?

mujhe phunka hai gul ki pankhudi ne

More Poems

Leave a Comment