na puchh meri kahani kahan se nikli hai
ye dastan bhi tiri dastan se nikli hai
jigar ko chiir liya shauq men chaTanon ne
sada-e-ishq jab ab-e-ravan se nikli hai
sabhi pe ḳhauf musallat tha na-ḳhudaon ka
jo baat haq thi hamari zaban se nikli hai
chhua hai tujh ko to mera sulag uTha hai badan
ye kaisi aanch tire jism-o-jan se nikli hai
falak ke saare nazare hue hain halqa-ba-gosh
barat kis ki dar-e-kahkashan se nikli hai
Leave a Reply