Jo Chahti Duniya Hai Wo Mujhse Nahin Hoga

jo chahti duniya hai vo mujh se nahin hoga

samjhauta koi khvab ke badle nahin hoga

ab raat ki divar ko Dhana hai zaruri

ye kaam magar mujh se akele nahin hoga

khush-fahmi abhi tak thi yahi kar-e-junun men

jo main nahin kar paaya kisi se nahin hoga

tadbir nai soch koi ai dil-e-sada

mail-ba-karam tujh pe vo aise nahin hoga

be-nam se ik khauf se dil kyuun hai pareshan

jab tai hai ki kuchh vaqt se pahle nahin hoga

Leave a Comment