Motabar Se Rishton Ka Saeban Rahne Do

mo’tabar se rishton ka saeban rahne do

mehrban duaon men khandan rahne do

muzmahil se bam-o-dar khasta-hal divaren

baap ki nishani hai vo makan rahne do

phailte hue shahro apni vahshaten roko

mere ghar ke angan par asman rahne do

aane vaali naslen khud hal talash kar lengi

aaj ke masail ko khush-guman rahne do

uljhe uljhe resham ki Dor se bandhe rishte

har ghadi mohabbat ka imtihan rahne do

kya bahut zaruri hai saari baat kah Dalen

jugnuon se kuchh lamhe darmiyan rahne do

Leave a Comment