Kab Kis Ko Mayassar Hai Ye Rutba Ye Amari

kab kis ko mayassar hai ye rutba ye amārī

phūloñ kī kaTorī meñ hai shabnam kī savārī

āñkhoñ meñ jalā.e ga.e phir ḳhvāb tumhāre

siine se kharochī ga.ī phir yaad tumhārī

ai lāDlī bachchī merī baabā tere sadqe

sau rañg mire ghar meñ tū le kar hai padhārī

sab ilm-o-adab le gayā ‘sājid’ kā gharānā

baiThe rahe kaasa liye masnad pe bhikārī

Leave a Comment