Nabeel Ahmad Nabeel
hare hain zaḳhm kuchh is tarah bhi mire sar ke
tamam umr uTha.e hain naaz patthar ke
lahuluhan hua hai mira badan yuun bhi
pakaḌ na paaya kabhi haath main sitamgar ke
bas ek harf-e-muqarrar ke jurm men ham ne
zaban pe vaar hazaron sahe hain ḳhanjar ke
vo log laaya gaya hai jinhen barabar men
kisi tarah bhi nahin the mire barabar ke
kuchh aise zaḳhm bhi sar ko jhuka ke khaa.e hain
jo mire baḳht ke the aur na the muqaddar ke
yahi utarenge manzil pe ek din mujh ko
ye jitne zaḳhm hain paanv men mire Thokar ke
‘nabil’ aaj vo sar pe savar hain mere
jo log ghar men basa.e the main ne bahar ke
Leave a Reply