Farooq Muztar
na paniyon ka iztirar shahr men
na mausamon ka e’tibar shahr men
misal-e-mauja-e-hava idhar udhar
ravan-davan hai intishar shahr men
hai shab ga.e gharon men raushni si kya
hai sab ko kis ka intizar shahr men
har ik nigah be-maqam be-jahat
har ek jism be-dayar shahr men
har ek rang aa.ine pe gard sa
har ek naqsh dil-e-figar shahr men
ḳhuda ke naam jhuuT sach ke silsile
ḳhuda bahut hai nam-dar shahr men
Leave a Reply