Haqiqat Kya Bataun Zindagi Ki

haqīqat kyā batā.ūñ zindagī kī

use lat paḌ ga.ī hai aadmī kī

ye ghar meñ saa.eñ saa.eñ sun rahe ho

yahī āvāz to hai ḳhāmushī kī

mire qadmoñ meñ gir kar vaqt royā

suuī ulTī ghumā.ī jab ghaḌī kī

kabhī bāhar jo nikle paañv mere

to ghuTne moḌ kar chādar baḌī kī

mujhe jab DhūñDne koī na aayā

to maiñ ne ḳhud hī apnī muḳhbirī kī

sunā hai qais ne sahrā se aa kar

misāleñ diiñ mirī dīvāngī kī

Leave a Comment